Раённы фестываль

Поделитесь с друзьями
  •  
  •  
  •  
  •  
  •  
  •  

27 сакавіка 2010 года ў рамках XVI абласнога агляду «народных» і «ўзорных» аматарскіх калектываў адбудзецца раённы фестываль з удзелам калектываў Нясвіжчыны са званнем «народны» і «ўзорны».

У межах абласной грамадска-культурнай акцыі «Шлях Перамогі», прысвечанай 65-й гадавіне Вялікай Перамогі, у канцэртнай праграме прадугледжана таксама выступленне ветэранскіх калектываў пад кіраўніцтвам Тамары Прыгун і Валерыя Цыганкова. Па выніках прагляду праграм камісія адзначыць лепшыя праграмы, калектывы, асобных выканаўцаў, якія і будуць рэкамендаваны да ўдзелу ў Х Рэспубліканскім фестывалі народнай творчасці ветэранскіх калектываў «Не старэюць душой ветэраны» (г. Мінск) і заключным канцэрцемарафоне «Паклонімся вялікім тым гадам» (г. Маладзечна), якія адбудуцца ў маі.

У раённым фестывалі задзейнічаны і ўдзельнікі конкурсу вядучых шоу і канцэртных праграм. Яны выступяць у дзвюх узроставых катэгорыях: ад 7 да 14 і ад 15 да 30 гадоў. Таксама у канцэртнай праграме будзе прапанаваны і гледачам, і камісіі фрагмент спектакля ў пастаноўцы тэатральна-драматычнага тэатра Сноў- скага СЦКіА (кіраўнік Аляксей Дунчанка) на прысваенне звання «ўзорны».

Кошт білета — 3000 рублёў. Для вучняў і студэнтаў — 1500 рублёў. Пачатак у 17 гадзін.


Поделитесь с друзьями
  •  
  •  
  •  
  •  
  •  
  •  

Добавить комментарий

Ваш e-mail не будет опубликован.