“Сонца над маёй Беларуссю”

Сёлета раённы фестываль патрыятычнай песні вызначыўся тым, што ў яго рамках прайшлі і новыя конкурсы: на лепшае эссе «У імя жыцця», электронных прэзентацый «Перамога дзядоў і прадзедаў — наша перамога» і юных мастакоў «З чаго пачынаецца Радзіма».

Падвядзенне вынікаў фестывалю прайшло на мінулым тыдні ў раённым Цэнтры культуры і адпачынку. У фае была разгорнута выстава мастакоў. А са сцэны прагучал і песні пераможцаў. Як і летась, яны былі вызначаны ў розных узроставых групах. Так сярод самых маленькіх удзельнікаў, ад 6 да 10 гадоў лепшай стала вакальная група «Домісолька» з Карцэвічскага СДК, якая выканала песню «Нам гэты мір завешчана берагчы». Ад 11 да 13 гадоў — вакальная група «Трыоль» з СШ № 1 г. Нясвіжа з песняй «Птушкі белыя», Дзіана Гліннік, выхаванка Нясвіжскага раённага Цэнтра пазашкольнай работы, з песняй «Пісьмо, якое не прыйшло з вайны», Таццяна Мароз са студыі «Мікс» РЦКіА з песняй «Маленства край», вакальная група ў складзе Валерыя Чучмана і Ягора Сабіча з СШ № 2 г.п. Гарадзея з песняй «Крочылі салдаты» і Уладзіслаў Рагалевіч з СШ № 4 г. Нясвіжа з песняй «Сонца над маёй Беларуссю». Ад 14 да 18 гадоў, як і ў мінулым годзе, лепшай стала вакальная група «Шанс» Нясвіжскага дзяржаўнага каледжа імя Якуба Коласа з песняй «Спявай душа». У гэтай жа катэгорыі перамаглі таксама і выхаванка студыі «Мікс» Анастасія Навоша з песняй «Чацвяргі ды пятніцы» і Кацярына Нікіціна, якая прадстаўляла Гарадзейскі пасялковы ДК і выканала песню з рэпертуара Стаса Міхайлава «Вайна». У старэйшай узроставай групе, ад 18 да 31 года, перамагла вакальная група ў складзе работнікаў Гарадзейскага пасялковага і Ужанкаўскага дамоў культур — Рэнаты Лелік і Любові Дрык з песняй «Плача белая бяроза».

Усе песні, якія прагучалі са сцэны, не пакінулі абыякавымі гледачоў. У адных чулася горыч страты родных людзей падчас Вялікай Айчыннай вайны, боль і пакута, якія перанёс наш народ у гэты час, у другіх — услаўлялася мірная стваральная праца беларускага народа. Пераможцы былі ўзнагароджаны граматамі і каштоўнымі падарункамі ад раённага камітэта грамадскай арганізацыі «БРСМ» і аддзела па справах моладзі райвыканкама. У конкурсе эссэ былі адзначаны работы Елізаветы Пуляк, прадстаўніцы Нясв іжскага дзяржаўнага раённага агульнаадукацыйнага ліцэя, Валерыя Сцяпуры з Аношкаўскай СШ, Таццяны Гаціла з Карцэвіцкай. Сярод мастакоў лепшымі сталі Дар»я Івашка з СШ № 2 г.п. Гарадзея, Карына Камарова з каледжа, гімназіст Арцём Грабоўскі. Пераможцамі ў конкурсе электронных прэзентацый — Ігнат Данілаў з Грыцкевіцкай СШ, Ганна Тарасевіч з каледжа, Ала Русак з Салтанаўшчынскага дзіцячага садка-сярэдняй школы, Раман Жарыч і Мікалай Яцэвіч з Нясвіжскай беларускай гімназіі.

— Мне вельмі прыемна было прымаць удзел у гэтым конкурсе, — адзначыла Дар»я Івашка. — Я намалявала партрэт салдата. Тэма Вялікай Айчыннай вайны для мяне не новая. Мой дзядуля таксама са зброяй у руках адстойваў незалежнасць Радзімы, каб наша пакаленне мела магчымасць жыць пад мірным небам. Удвая прыемна, што мая работа была вызначана журы ў ліку лепшых.

Пераможцы прадставяць Нясвіжчыну на абластным фестывалі патрыятычнай песні.

Добавить комментарий

Ваш e-mail не будет опубликован.