Робаты на ферме

Уступіла ў дзеянне новая ферма ў вёсцы Макашы СВК «Нясвіжскія Астроўкі». 6 даільных робатаў-астранаўтаў А3 Next галандскай вытворчасці паставіла і зманціравала гродзенская фірма «Біякам Тэхналогія».

Пакуль новае высокатэхналагічнае абсталяванне праходзіць абкатку: на кожнага робата прыходзіцца каля 40 кароў, а абслужыць адна машына можа максімальна 60 жывёл.

Ферма камплектуецца толькі сваімі нецелямі, за выключэннем 15-і, закупленых у СВК «Юшавічы».

Ужо зараз новая тэхналогія даення і догляду паказвае свае перавагі: удой па ферме — 24 л на 1 карову (малако толькі класа экстра) пры сярэднім па гаспадарцы — 18 літраў.

Да таго ж, камп»ютар здымае з кожнай гадаванкі паказчыкі, якія сігналізуюць аб стане яе здароўя: пачынаючы ад фізіялагічнага цыкла і заканчваючы тым, як адпавядае рацыён кармлення патрэбам жывёлы.