Душа не ведае ўзросту

Поделитесь с друзьями
  •  
  •  
  •  
  •  
  •  
  •  

Прызёры конкурсу «Лепшы падворак Н.К. Салавей і Т.М. Твароўская

Сёння на тэрыторыі раёна пражываюць 12132 пенсіянеры, з якіх  42 — удзельнікі  Вялікай Айчыннай вайны, 24 — працаўнікі тылу,  17 сямей загінуўшых і 23 інваліды вайны,  а таксама 107 воінаў-інтэрнацыяналістаў.

У  РЦКіА  прайшло  святочнае мерапрыемства, прысвечанае Дню пажылых людзей.  На яго сабраліся  самі «віноўнікі ўрачыстасці» — людзі пажылога ўзросту, а таксама іх родныя, блізкія і сябры. Ад імя раённай улады да  прысутных звярнуўся  першы намеснік старшыні райвыканкама, начальнік райсельгасхарчу Генадзь Салавей. У сваім прывітальным  слове ён адзначыў, што жыццё старэйшага  пакалення жыхароў  Нясвіжчыны змясціла ў сабе  шмат  добрасумленнай працы на карысць нашага раёна і роднай краіны ў цэлым. Яны абаранялі  Радзіму ў гады вайны, адбудоўвалі гаспадарку раёна ў мірны час.  І ў нашым сённяшнім дабрабыце  ёсць іх вялікі, неацэнны ўклад.

Асаблівую ўдзячнасць за работу з маладым пакаленнем  Генадзь Міхайлавіч выказаў ветэранам Вялікай Айчыннай вайны  Георгію Афанасьевічу Халецкаму і Рыгору Сяргеевічу Гарачкоўскаму, за актыўную грамадскую дзейнасць падчас выбарчых кампаній  у складзе  раённага Савета ветэранаў — Івану Адама-вічу Драздовічу, Уладзіміру  Сцяпанавічу Якімаху, Рыгору  Антонавічу Куцэру, Фені Антонаўне  Стадуб.

— Клопат аб пажылых, ветэранах вайны і працы — адзін  з прыярытэтаў  дзяржаўнай сацыяльнай  палітыкі, — пад-крэсліў у сваім  выступленні Г.М. Салавей. — Павышэнне ўзроўню  і якасці жыцця лю- дзей  старэйшага пакалення на аснове  прадастаўлення  сацыяльных паслуг і адраснай  дапамогі — адна з галоўных  мэтаў дзейнасці  ад-міністрацыі раёна.

У канцы сваёй прамовы  першы намеснік старшыні райвыканкама, начальнік райсельгасхарчу  Генадзь Салавей выказаў упэўненасць у тым, што жыццёвая энергія, вопыт і веды людзей  пажылога ўзросту  дапамогуць усім нам разам зрабіць нашу  Нясвіжчыну яшчэ больш прыгожай і ўтульнай.

Изображение 037

Сярод гледачоў — Марыя Уладзіміраўна Шпакоўская з унучкай Ангелінай

Ён таксама правёў узнагароджванне пераможцаў конкурсу «Лепшы падворак», які  праводзіўся раённым тэрытарыяльным  цэнтрам сацыяльнага абслугоўвання  насель-ніцтва пры падтрымцы райвыканкама і раённага ўпраўлення па працы, занятасці і  сацыяльнай абароне.  Мэтай конкурсу было  вызначэнне  лепшых гаспадароў сярод людзей пенсійнага ўзросту. Ацэньваўся знешні  від жылых і гаспадарчых пабудоў, дагледжанасць двара, наяўнасць  кветнікаў, санітарны стан  домаўладання. Удзел у конкурсе  прынялі 18 пажылых людзей: Т.М. Аліноўская  з г.п. Гарадзея, яе зямляк  Л.І. Дэмух, сям»я Зяньковіч з  аграгарадка Новагарадзейскі, сям»я  Варанковіч з  Завітой, сям»я Ігнатчык з Малева, І.М. Мядзведзь з  аграгарадка Аношкі, І.І. Салавей з аграгарадка Лань, І.М. Шчурская са Смалічоў, М.І. Падамацька з Рудаўкі, Н.К. Салавей з Амлынцаў, сям»я Платун з аграгарадка Старыя Навасёлкі, Л.І. Няглюй  з Макашоў, А.М. Кувалдзін  з аграгарадка Сейлавічы, Т.М. Твароўская з Андрушоў, А.К. Багдановіч  з Кунасы, Я.В. Буян  з аграгарадка Юшавічы, Н.М.  Цвірко з Затур»і і сям»я Трусевіч з гэтай  жа вёскі.

Вызначыць пераможцаў было вельмі няпроста — пра гэта сведчыла  слайд-шоу  аб кожнай сядзібе, якое з цікавасцю  прагледзела зала. Аднак журы  конкурсу ўсё ж такі прысудзіла 3-е месца  Тамары Мікалаеўне Твароўскай з вёскі Андрушы, 2-е — Ніне Канстанцінаўне Салавей з вёскі Амлынцы і пераможцай стала Марыя Іванаўна Падамацька з Рудаўкі. Усе яны  атрымалі  дыпломы конкурсу і памятныя падарункі, якія дапамогуць  зрабіць іх утульныя сядзібы яшчэ больш прыгожымі.

Изображение 183

Спявае Сяргей Калеснікаў

Добры настрой не толькі пераможцам конкурсу «Лепшы падворак», але і ўсім  без выключэння  прысутным  у зале дапамагло  стварыць  артыстычнае майстэрства вядучай Юліі Івашкі і ўсіх      удзельнікаў  святочнага канцэрта.  Шчодрыя воплескі гледачы дарылі   добра вядомым  мясцовым «зоркам» — Сяргею Калеснікаву,  Сяргею Хвалько, Таццяне Казловай і іншым юным і сталым артыстам.

Малады запал і жыццярадасную энергетыку падарылі гледачам і хор ветэранаў  працы «Аптымісты» пад кіраўніцтвам  Ірыны Латушкі, і хор ветэранаў працы «Элегія», якім кіруе Тамара Прыгун. Удзельнікі гэтых калектываў (і не толькі яны) яшчэ раз паказалі, што ў любым узросце  можна быць маладым душой, асабліва, калі яе саграюць любоў дзяцей і радасны смех унукаў.

Соф»я ЛЮБАНЕЦ

Фота Святланы ПОЛЬСКАЙ


Поделитесь с друзьями
  •  
  •  
  •  
  •  
  •  
  •  

Добавить комментарий

Ваш e-mail не будет опубликован.

Этот сайт использует Akismet для борьбы со спамом. Узнайте как обрабатываются ваши данные комментариев.