У дзве змены

338 гектараў яравых культур  пасеялі механізатары ААТ «Нясвіжскія Астроўкі» па стане на 27 сакавіка. Гэта складае 23 % ад неабходнага (пры сярэднім паказчыку па раёне 10 %). Ад планавай плошчы яравых збожжавых і  зернебабовых пасеяна 53,1 % (па раёне — 29,9 %). 323 га заняў у гаспадарцы ячмень (у т.л. 80 га — піваварны) і 15 га — авёс.

Дзённая прыбаўка (за  26 сакавіка) дасягнула 103 га. Трэба адзначыць, што гэта  другі паказчык у раёне пасля СВК «Агракамбінат Сноў», дзе прыбавілі за дзень 137 га. Садзейнічаюць  высокай выпрацоўцы арганізаваная належным чынам работа  на вясновай пасяўной, настрой  механізатараў і спецыялістаў на добры ўраджай.

Заняты на сяўбе Аляксандр Сукала (на здымку) і Яўген Батазін, якія на  трактары «Джон Дзір» з сеялкай «Амазоне» працуюць у дзве  змены: з 6 гадзін да 15-і і з 15 гадзін да 24-х. За суткі яны засяваюць па 80 і болей гектараў. У Віктара Мануліка — трактар МТЗ-1523 з сеялкай «Ферабокс». Ён за рабочы дзень заносіць на свой рахунак па 18 гектараў  яравога кліна.

Тамара ПРАЛЬ-ГУЛЬ

Фота Святланы ПОЛЬСКАЙ