Габелен — вытканая карціна

Поделитесь с друзьями
  •  
  •  
  •  
  •  
  •  
  •  

DL4A0934

На мінулым тыдні ў цэнтральнай раённай бібліятэцы адкрылася выстава габеленаў сябра Беларускага саюза мастакоў Галіны Крываблоцкай. Яна скончыла ў свой час Беларускі тэатральна-мастацкі інстытут, з 1976 года ўдзельнічае ў мастацкіх выставах, з’яўляецца аўтарам шэрагу сцэнічных касцюмаў для мастацкіх калектываў і габеленаў-заслонаў “Вясёлка” ў Малой зале Палаца Рэспублікі, “Жытнёвае поле” ў канферэнц-зале гасцініцы “Беларусь”, “Папараць-кветка” у Палацы культуры г. Навагрудка, “Мелодыя зямлі” ў Нацыянальнай бібліятэцы Рэспублікі Беларусь, “Бердзічаў” (у супрацоўніцтве) ў Палацы культуры г. Бердзічаў, што ва Украіне. Творы  Галіны Крываблоцкай знаходзяцца ў Нацыянальным мастацкім музеі Беларусі, літаратурным музеі Янкі Купалы, Дзяржаўным гістарычным музеі ў Мінску, фондах Беларускага саюза мастакоў, гісторыка-культурным запаведніку ў Заслаўі, Віцебскім абласным мастацкім музеі, Гомельскай карціннай галерэі імя Г.Х. Вашчанкі, музеі беларускай культуры ў Гайнаўцы, што ў Польшчы, музеі сучаснага мастацтва ў Маскве, у прыватных зборах на Беларусі і па-за яе межамі.

DL4A0964

І вось габелены мастачкі змаглі ўбачыць і нясвіжскія гледачы розных узростаў,     сярод якіх, дарэчы,    было шмат юных   аматараў мастацтва, вучняў СШ № 1                  і № 3 г. Нясвіжа.                   І хаця на выставе прадстаўлена толькі маленькая частка з творчай спадчыны мастачкі — усяго 10 габеленаў, па іх ужо можна атрымаць уяўленне аб яе светапоглядзе, любімых вобразах і колерах. Пяшчотныя і мяккія, яны зачароў-ваюць і нібы расказваюць гледачу кожны сваю шчымлівую гісторыю. “Салаўіны спеў”, “У чаканні дажджу”, “Покліч”, “Прыйшла вясна”, “Вобмацкам да дрэў”, “Дзень”, серыя “Дрэвы” — назвы вытканых карцін Галіны Крываблоцкай гавораць самі за сябе.

Акрамя самой мастачкі, на адкрыцці выставы прысутнічалі сябры Беларускага саюза мастакоў Валянціна і Леанід Бартлавы, якія выступілі са словамі пра творчасць аўтара выставы.

Вядома, расказваць словамі пра творы мастацтва — справа няўдзячная. Лепш за ўсё прыйсці і пагля-дзець, тым больш што часу для гэтага дастаткова — выстава габеленаў Галіны Крываблоцкай у цэнтральнай раённай бібліятэцы будзе працаваць да 30 мая.

Соф’я ЛЮБАНЕЦ.

Фота Святланы ПОЛЬСКАЙ. 

 


Поделитесь с друзьями
  •  
  •  
  •  
  •  
  •  
  •  

Габелен — вытканая карціна: 2 комментария

  • 27.04.2015 в 10:18
    Permalink

    Глядзім фотагалерэю – там больш фота!

    Рейтинг комментария:Vote +10Vote -10

  • 27.04.2015 в 08:45
    Permalink

    ну хоць бы адзин твор паказали!

    Рейтинг комментария:Vote +10Vote -10

Добавить комментарий

Ваш e-mail не будет опубликован.

Этот сайт использует Akismet для борьбы со спамом. Узнайте как обрабатываются ваши данные комментариев.