Людміла Анатольеўна Завістовіч пачала сваю працу ў філіяле “Нясвіжскі хлебазавод” ААТ “Барысаўхлебпрам” чатырнаццаць гадоў таму. Пачынала цеставодам, а пасля яе прызначылі майстрам змены. Яна дысцыплінаваная і адказная, любіць справу, якой займаецца. Нездарма на раённым свяце, прысвечаным Дню работнікаў АПК і перапрацоўчай прамысловасці, яна атрымала Падзячнае пісьмо старшыні райвыканкама.
— Добры настрой — залог поспеху, — гаворыць Людміла Анатольеўна.
Акрамя таго, што мая суразмоўца — добрая працаўніца, яна яшчэ і клапатлівая матуля двух сыноў, у яе цудоўны муж. Як лічыць Людмі-ла Анатольеўна, галоўным у жыцці з’яўляецца дом і сям’я. Сваіх мужчын любіць пачаставаць салодкімі прысмакамі і не толькі. Ба-дзёрая і жыццярадасная, яна лічыць сябе шчаслівым, паспяховым чалавекам, цвёрда адзначаючы: “Шчасце кую сваімі рукамі”.
Вольга КАНДРУКЕВІЧ.
Фота Наталлі ЕРМАШЭНКА.