Каля вёсак Малінаўка, Янчыцы і Астроўкі Гарадзейскага сельсавета жыхары стварылі несанкцыянаваныя звалкі. Каб навесці парадак, УП “Нясвіж- ская ЖКГ” выдзеліла спецыяльны бульдозер і тыя ўчасткі былі вычышчаны. Цяпер задача ўсіх і кожнага — захоўваць яго. Як паведаміў газеце старшыня Гарадзейскага сельскага выканаўчага камітэта Уладзімір Курачыцкі, ёсць дамоўленасць: работнікі ААТ “Нясвіжскія Астроўкі”, а таксама іншыя жыхары вёсак могуць звозіць буйнагабарытныя бытавыя адходы, толькі для гэтага трэба звярнуцца ў дырэкцыю ААТ. На тэрыторыі таварыства ёсць былы міні-палігон, і там пакуль што можна цывілізавана скла-дзіраваць тое, што стала непатрэбным. Дробнае бытавое смецце ў вяскоўцаў па графіку забірае транспарт ЖКГ. А вось наконт буйнога — знайшлі такі выхад. Каб і людзям не было цяжка ці нязручна (бліжэйшы міні-палігон знаходзіцца каля вёскі Копцеўшчына), і навакольную тэрыторыю захаваць у чысціні.
Тамара ПРАЛЬ-ГУЛЬ.