Уборачная кампанія — на кантролі ў Прэзідэнта

Уборка збожжавых павінна завяршыцца ў Беларусі да 20 жніўня. Адпаведную задачу паставіў Прэзідэнт Беларусі Аляксандр Лукашэнка на праведзенай 2 жніўня рэспубліканскай селектарнай нарадзе. На перыяд уборачнай кампаніі Прэзідэнт пашырыў паўнамоцтвы старшынь райвыканкамаў, а таксама запатрабаваў асабістага ўключэння ў арганізацыю працэсу чыноўнікаў самага высокага рангу. Прэзідэнт Беларусі Аляксандр Лукашэнка 10-11 жніўня робіць рабочую паездку ў Брэсцкую вобласць. Кіраўнік дзяржавы наведаў ААТ «Квасевічы» ў Івацэвіцкім раёне. Прэзідэнту далажылі аб сацыяльна-эканамічным развіцці рэгіёна і гаспадаркі, у цэнтры ўвагі былі пытанні ўборачнай кампаніі ў існуючых умовах надвор’я і прымаемыя меры па зніжэнні страт ураджаю. Аляксандр Лукашэнка таксама азнаёміўся з тэхналагічнымі працэсамі ўборкі збожжавых, саломы і падрыхтоўкі глебы да сяўбы азімых. Аляксандра Лукашэнку праінфармавалі аб выніках работы жывёлагадоўлі ў краіне, вобласці і раёне з пачатку 2017 года. 11 жніўня кіраўнік дзяржавы азнаёміўся з сацыяльна-эканамічным развіццём і добраўпарадкаваннем Брэста.

Беларусь разлічвае сабраць амаль 10 млн т збожжавых

Аб гэтым заявіў Прэзідэнт Беларусі Аляксандр Лукашэнка ў час рабочай паездкі ў Брэсцкую вобласць. «Мы пад 10 млн т збожжавых можам сабраць разам з рапсам і кукурузай. Сёння да вечара мы палавіну збожжа ўбяром», — сказаў Аляксандр Лукашэнка. Як далажыў міністр сельскай гаспадаркі і харчавання Леанід Заяц, да 20 жніўня завяршыць уборку павінны ўсе вобласці, за выключэннем Віцебскай. «Па Віцебскай вобласці дамовімся так: трэба перастаць слухаць заспакойванні кіраўнікоў, губернатара Віцебшчыны. Калі мы бачым, што там добрае збожжа, яго трэба ўбіраць, перакідваць туды тэхніку. Узнікне праблема з сушылкамі. Таму мы адразу з поля забіраем збожжа, вязём на элеватары, перапрацоўваем, не крыўдзячы вяскоўцаў. Збожжа з палёў трэба ўбраць», — падкрэсліў Аляксандр Лукашэнка. Прэзідэнту было даложана, што дзяржаўны заказ па збожжы будзе выкананы ў поўным аб’ёме. «Мы 860 тыс. т хочам нарыхтаваць. Давайце дамовімся, што да 1 млн т, можа, крыху больш. Але добрае збожжа, калі ёсць жаданне прадаць, трэба забраць і зрабіць абмен старых рэзерваў — мінулага, пазамінулага гадоў. Стары трэба аддаць на корм, а закласці з новага ўраджаю, таму што збожжа добрае ў гэтым годзе», — даручыў кіраўнік дзяржавы.

Лукашэнка аб уборачнай кампаніі: усе ўцягнуліся, але скорасці трэба дабавіць

«Адчуваю, што ва ўборку салідна ўсе ўцягнуліся, нікога папракаць не трэба, але 10-15 працэнтаў скорасці трэба дабавіць», — сказаў Аляксандр Лукашэнка. Міністр сельскай гаспадаркі і харчавання Леанід Заяц звярнуў увагу на перабоі з адгрузкай у гаспадарках грануляваных угнаенняў. «Ва ўрадзе няхай неадкладна прымуць рашэнне. Просьбу па ўгнаеннях трэба задаволіць», — даручыў Прэзідэнт. Асобна кіраўнік дзяржавы спыніўся на забеспячэнні гаспадарак палівам. Аляксандр Лукашэнка даручыў кантраляваць яго эфектыўнае выкарыстанне. Прэзідэнт азнаёміўся з тэхналагічнымі працэсамі ўборкі збожжавых і саломы. На сённяшні дзень у Брэсцкай вобласці ўбрана амаль 80 працэнтаў плошчаў. У цэлым плануецца сабраць 1,2 млн т збожжавых і 200 тыс. т кукурузы.

Лукашэнка незапланавана наведаў праблемнае ААТ «Косава»

Пасля азнаямлення з малочнатаварнай фермай «Квасевічы» Прэзідэнт вырашыў змяніць запланаваны маршрут і наведаць праблемнае сельгаспрадпрыемства раёна — ААТ «Косава». Першы прыпынак быў зроблены ім на адным з палёў гаспадаркі. Там Аляксандр Лукашэнка азнаёміўся з ходам уборкі збожжа і пагутарыў з экіпажам камбайнераў — сям’ёй Харужых. Кіраўнік дзяржавы пацікавіўся, ці ўдасца ім паўтарыць мінулагодні намалот 1 тыс. т. Мікалай Харужы адказаў, што гэта рэальна. Аляксандр Лукашэнка падарыў Ірыне Харужай букет кветак і пажадаў сям’і поспехаў. Затым Прэзідэнт накіраваўся на малочнатаварную ферму «Старажоўшчына», якая ўжо два гады знаходзіцца на фінансавым аздараўленні. Кіраўнік дзяржавы даручыў ураду адшукаць Br200 тыс. для прывядзення фермы ў ідэальны стан. Зрабіць гэта неабходна да лістапада бягучага года, падкрэсліў ён. Акрамя таго, была пастаўлена задача павялічыць практычна ў два разы колькасць дойнай жывёлы — да 1 тыс. галоў. Кіраўнік дзяржавы паабяцаў вярнуцца ў ААТ «Косава» ў лістападзе і праверыць выкананне дадзеных ім даручэнняў.

Лукашэнка даручыў завяршыць будаўніцтва малочнатаварных ферм за 2017-2018 гады

«У нас іх няшмат засталося, трэба прыкладна $80 млн, але гэта па падліках. А пачнём будаваць, дык і ў $50 млн укладзёмся, — сказаў Аляксандр Лукашэнка. — Гэтыя фермы мы павінны пабудаваць у бягучым і будучым годзе. За паўтара года гэтыя пытанні трэба зняць». Пры гэтым Прэзідэнт звярнуў увагу, што неабходна дазволіць гаспадаркам будаваць фермы зручнымі для іх метадамі. Галоўнае, каб гэта не патрабавала вялікіх укладанняў, а вынік быў якасны. «Хоча гаспадарчым спосабам (гэта значна танней) — значыць, трэба яму дазволіць. Не можа гаспадарчым спосабам — ПМК у кожным раёне», — адзначыў кіраўнік дзяржавы. Аляксандр Лукашэнка падкрэсліў, што пабудаваныя фермы павінны быць запоўнены высакаўдойнай жывёлай. Важна таксама займацца пытаннямі захаванасці кармоў. У час рабочай паездкі ў паўднёвы рэгіён краіны кіраўнік дзяржавы наведаў рэканструяваную малочнатаварную ферму «Квасевічы» ў Івацэвіцкім раёне. Яму далажылі аб выкананні яго даручэнняў па рэканструкцыі і тэхнічным перааснашчэнні жывёлагадоўчых ферм, вытворчасці экспартна арыентаванай прадукцыі. Як праінфармавалі Аляксандра Лукашэнку, усяго ў краіне дзейнічаюць больш як 4,1 тыс. малочнатаварных ферм, з іх 1 181 рэканструявана і мадэрнізавана. У высокай ступені гатоўнасці больш за 120 ферм. Прадугледжваецца, што дзяржава дапаможа гаспадаркам завяршыць іх будаўніцтва. Прэзідэнт нагадаў, што некалькі гадоў таму, калі ў Беларусі ўзяліся за рэканструкцыю і будаўніцтва ферм, апазіцыя крытыкавала гэта рашэнне. «Вывад сёння ўжо ўсе разумеюць: не было б таго рашэння — сёння не засталося б сельскай гаспадаркі. Дык вы хоць грошы маеце. А хто мае добрае малако — наогул добра жыве, — заўважыў Прэзідэнт. — Але тут, трэба сказаць, справа не ў маёй дальнабачнасці — пашанцавала». Было адзначана, што сёння нават праблемныя гаспадаркі за кошт выручкі ад рэалізацыі малочнай прадукцыі забяспечваюць зарплаты сваім работнікам, таксама ў іх застаюцца сродкі на неадкладныя патрэбы.

Лукашэнка даручыў у 2018 годзе падцягнуць прадпрыемствы з нізкай зарплатай да ўзроўню Br1 тыс.

Такое даручэнне даў Прэзідэнт Беларусі Аляксандр Лукашэнка ў ходзе азнаямлення з сацыяльна-эканамічным развіццём Брэста. «Мы Br1 тыс. будзем мець, але гэта будзе сярэдняя зарплата. Ёсць прадпрыемствы, якія гэту сярэднюю зарплату цягнуць уверх, гэта добра. Але палавіна, можа, крыху менш прадпрыемстваў, дзе мы недацягваем да гэтага ўзроўню, і наогул там зарплата невялікая. За 2018-2019 гады, асабліва за 2018 год, мы бяромся за тыя прадпрыемствы, на якіх мала зарабляюць, каб іх падцягнуць да Br1 тыс.», — сказаў Аляксандр Лукашэнка. Паводле яго слоў, калі гэта даручэнне будзе выканана, сярэдняя зарплата па краіне можа дасягнуць Br1,5 тыс. Пры гэтым Прэзідэнт падкрэсліў, што сярэдні ўзровень заработнай платы ў памеры Br1 тыс. да канца бягучага года неабходна замацаваць, каб у пачатку 2018 года не атрымаць яго зніжэння. «Трэба стабільна выходзіць на сярэднюю зарплату (Br1 тыс. — Заўвага БЕЛТА), і ў 2018 годзе самую нізкую падцягваць да ўзроўню сярэдняй», — падагульніў кіраўнік дзяржавы. Як запэўніў кіраўніка дзяржавы старшыня Брэсцкага гарвыканкама Аляксандр Рагачук, Брэст да канца 2017 года стабільна выйдзе на сярэднюю зарплату Br1 тыс.

Лукашэнка: нельга ствараць клас беспрацоўных

«Людзей трэба прывучыць да працы. Нельга ствараць так званы клас беспрацоўных. Калі мы іх не станем прыцягваць да грамадска карыснай працы, як раней гаварылі, значыць, мы будзем ствараць гэты клас, і ён будзе павялічвацца. Нам гэтага дапусціць нельга», — сказаў Аляксандр Лукашэнка. Прэзідэнт падкрэсліў, што трэба працаваць усім. «Вядома, будзе нейкі малы працэнт людзей, якія ні на што не здольныя. Спецыфічнымі метадамі будзем прымушаць. Але ёсць людзі, якія могуць, але ўхіляюцца, — адзначыў кіраўнік дзяржавы. — Гэтых людзей трэба ставіць у такія ўмовы, каб яны ўсё ж такі ішлі працаваць». Аляксандр Лукашэнка канстатаваў, што пасля выхаду абноўленага дэкрэта нумар 3 мясцовым органам улады будуць дадзены самыя шырокія паўнамоцтвы.»Мы вычленім людзей па персаналіях: хто можа, але не хоча, хто хоча, але не можа, і тых, якім трэба лапату ў зубы — і пайшоў працаваць. Няхай на мяне не крыўдзяцца», — сказаў Прэзідэнт.

Лукашэнка: Беларусь атрымлівае салідную аддачу ад укладзеных у мадэрнізацыю перапрацоўкі сродкаў

Аб гэтым заявіў Прэзідэнт Беларусі Аляксандр Лукашэнка ў час наведвання ААТ «Савушкін прадукт». «Уклаўшы значныя сродкі ў мадэрнізацыю перапрацоўчай прамысловасці, мы сталі атрымліваць ад гэтага салідную аддачу. У гэтым сегменце эканомікі з’явілася шмат кампаній з сучасным тэхналагічным укладам. Яны дэманструюць высокую культуру вытворчасці, праяўляюць гібкасць, клапоцяцца аб сыравіннай базе, укладваюць грошы ва ўласнае развіццё, забяспечваюць сваім работнікам дастойны сацыяльны пакет, узводзяць для іх жыллё. Гэта датычыцца, напэўна, перш за ўсё вашага прадпрыемства, таму што вы ўсё гэта робіце», — адзначыў Аляксандр Лукашэнка, звяртаючыся да калектыву кампаніі. Паводле слоў кіраўніка дзяржавы, прадпрыемствы, якія раней мелі патрэбу ў дапамозе дзяржавы, сёння самі сталі лакаматывам шэрага галін і візітнай карткай Беларусі. «Як мага лепш гэта характарыстыка падыходзіць да акцыянернага таварыства «Савушкін прадукт» — флагмана малочнай прамысловасці краіны», — падкрэсліў Прэзідэнт. Аляксандр Лукашэнка канстатаваў, што поспехі прадпрыемства не выпадковыя, яны з’яўляюцца яркім адлюстраваннем мэтанакіраванай палітыкі, праводзімай дзяржавай у аграпрамысловым сектары. У краіне ажыццёўлены пераход ад канцэпцыі развіцця сельскагаспадарчай вытворчасці да канцэпцыі развіцця сельскай мясцовасці ў цэлым. «Гэта дало магчымасць адрадзіць беларускую вёску з яе эканамічным патэнцыялам. Вы гэта цудоўна адчуваеце, ведаеце самі, таму што непасрэдна працуеце ў гэтым патэнцыяле і яго ствараеце», — адзначыў Прэзідэнт. «Сёння па выпуску абсалютнай большасці відаў сельгаспрадукцыі на душу насельніцтва Беларусь істотна пераўзыходзіць іншыя краіны Садружнасці Незалежных Дзяржаў. А па вытворчасці малака апярэджвае такія развітыя краіны, як Нідэрланды, Германію, Францыю», — сказаў кіраўнік дзяржавы. Што датычыцца прадуктаў харчавання, Беларусь стала не толькі самадастатковай, але і экспартна арыентаванай. «Быў час, калі мы сабе дазволіць такога асартыменту і такой колькасці тавараў у Беларусі не маглі. Помніце знакамітыя талоны. Цяпер мы пра гэта забылі», — канстатаваў Аляксандр Лукашэнка. Аб’ём рэалізаваных за мяжу прадуктаў харчавання ў 2016 годзе перасягнуў $4 млрд. Цяпер па некаторых пазіцыях, напрыклад, па экспарце сметанковага масла, тварагу, абястлушчанага малака Беларусь увайшла ў лік сусветных лідараў. «Што датычыцца ўнутранага рынку, то ён даўно насычаны айчыннымі прадуктамі харчавання, якія дзякуючы высокай якасці і даступнасці паспяхова канкурыруюць з імпартнымі аналагамі», — сказаў Прэзідэнт.