Па стане на 1 жніўня, згодна з аператыўнымі данымі райсельгасхарчу, у раёне ўбрана 1310,9 га збожжавых і зернебабовых культур (6 % ад неабходнага). Найбольшыя плошчы вызвалены ў ААТ “Лань-Нясвіж” (409 га, або 13 %), ЗАТ “1 Мая” (317 га, або 16 %), ААТ “Юшавічы” (199 га, або 13 %), ААТ “Нясвіжскі райаграсэрвіс” (173 га, або 7 %). За апошні дзень, 31 ліпеня, прыбаўка па раёне дасягнула 538,4 га. Самую значную далі ланскія камбайнеры — 122 га. А ў працэнтах найбольшай дзённай выпрацоўкі — 5,4 % — дабіліся першамайцы.
Па раёне ўсяго намалочана 6209,7 тоны збожжа — па 47,4 ц/га. Па 78,2 ц/га збіраюць у СВК “Агракамбінат Сноў”, па 55,9 ц/га — у “Нясвіжскім райаграсэрвісе”, па 51,2 ц/га — у ААТ “Гарадзея”.