Добры настрой падарылі ўдзельнікі аматарскіх калектываў раённага цэнтра культуры людзям з абмежаванымі магчымасцямі. Канцэрты былі прымеркаваны да Дня інвалідаў. У прыватнасці, у Нясвіжскі дом-інтэрнат для састарэлых і інвалідаў выехаў калектыў хору ветэранаў працы г. Нясвіжа “Аптымісты”, які паказаў разнастайную праграму. Насельнікі інтэрната шчыра дзякавалі артыстам за добрыя музычныя творы і падораную радасць.
Не былі абдзелены ўвагай і пацыенты сацыяльных ложкаў Гарадзейскай гарадской бальніцы, да якіх прыязджаў вакальны калектыў “Элегія”. Яго ўдзельнікі спявалі вясёлыя і ба-дзёрыя песні, чым выклікалі ажыўленне і шчырыя апладысменты гледачоў.
Раіса ХВІР,
г. Нясвіж.