Да акцыі “Разам з камандай” за захапленнем далучыліся выхаванцы яслей-садка № 7

Поделитесь с друзьями
  •  
  •  
  •  
  •  
  •  
  •  

На працягу двух тыдняў  мы разам з дзецьмі сачылі за поспехамі нацыянальнай зборнай Рэспублікі Беларусь на XXIII  зімовых Алімпійскіх гульнях ў Пхенчхане (Рэспубліка Карэя).

З мэтай падтрымкі беларускай каманды наша ўстанова адукацыі далучылася да рэспубліканскай акцыі “Разам з камандай”. У ходзе акцыі нашы маленькія алімпійцы правялі свае Алімпійскія гульні. Выхаванцы з асалодай слізгалі на санках, хадзілі на лыжах, з захапленнем спрабавалі сябе у хакеі. На спаборніцтвах паміж рознаўзроставымі групамі дзеці прытрымліваліся дэвіза “Разам з камандай”.

Яны  паказалі сваю цікавасць да спорту, ахвотна малявалі сваімі маленькімі далонькамі калаж з алімпійскай сімволікай, так старанна прыкладваючы іх да паперы, (а некаторыя і некалькі разоў), што ён атрымаўся вельмі яркі, светлы і добры.

Па завяршэнні спаборніцтваў радасныя і вясёлыя выхаванцы зрабілі фотаздымак, узгадаўшы, что мы — “Разам з камандай”.

Кацярына ГУТКО,

кіраўнік  фізічнага выхавання ДУА  “Яслі-сад №7 г.Нясвіжа”.


Поделитесь с друзьями
  •  
  •  
  •  
  •  
  •  
  •  

Добавить комментарий

Ваш e-mail не будет опубликован.