Меню
Курс $  3.26 | €  3.52 | ₽100  3.53 |
Погода 9 °C

Тое, што застанецца ў памяці і сэрцы… У аграгарадку Новагарадзейскі адбылося свята вуліцы Лугавой

Нясвіжскія навіны 6 лет назад 0 0

Куточак зямлі, дзе бярозы  шумяць,

Дзе ясныя зоры ў вочы глядзяць,

Дзе клёкат бусліны  над песняй гучыць —

Куточак зямлі,  як цябе не любіць?!

Куточак зямлі, на якой мы жывём —

Ласкава цябе мы Радзімай завём.

Як вы зразумелі па словах, прыведзеных вышэй, у нашай рэспубліцы працягваецца Год малой радзімы. 29 ліпеня ў аграгарадку Новагарадзейскі адбылося свята вуліцы Лугавой, арганізаванае Новагарадзейскім сельскім цэнтрам культуры і адпачынку, Гарадзейскім сельскім выканаўчым камітэтам і адкрытым акцыянерным таварыствам “Гарадзея”.



Сваю гісторыю пасёлак вядзе ад 21 студзеня 1969 года, ён быў створаны у выніку перайменавання пасёлка цэнтральнай сядзібы саўгаса “Гарадзейскі”. Што датычыць самой вуліцы Лугавой, то на яе месцы было балота, а першы дом быў узведзены 30 гадоў таму, яшчэ праз 15 год сельгаспрадпрыемства пабудавала першы дом для сваіх работнікаў. Цяпер такіх дамоў налічваецца ўжо 22.

Не ведаю, ці выпадкова, але так атрымалася, што менавіта мне, чалавеку, які абсалютную большасць свайго жыцця пражыў у пасёлку, выпала магчымасць прысутнічаць на дадзеным мерапрыемстве і пісаць пра яго. На маёй памяці, за 30 гадоў, перажыта нямала рознага разам са сваёй малой радзімай, яе жыхарамі. Пасёлак, вядома, змяніўся ў лепшы бок.

Але вернемся да свята. На ім, акрамя канцэртна-ушанавальнай праграмы, былі арганізаваны выставы народных майстроў, стаялі батуты, горкі, працавалі выязныя гандлёвыя кропкі, дзе кожны мог паласавацца салодкімі прысмакамі, набыць цацкі для дзетак або сувеніры.

[metaslider id=»56280″]

Уступнае слова на мерапрыемстве ўзяла кіраўнік Гарадзейскага сельскага выканаўчага камітэта Наталля Цвірко. Яна павітала ўсіх удзельнікаў свята, пажадала ім добрага настрою і часцей збірацца разам з цудоўнай нагоды. Наталле Леанідаўне ўручылі каравай, якім, дарэчы, напрыканцы свята пачаставалі прысутных жыхароў і гасцей.

Свае музычныя віншаванні, харэаграфічныя нумары, маналогі і замалёўкі дарыў у гэты дзень калектыў Новагарадзейскага сельскага цэнтра культуры і адпачынку. Думаю, што кожны прысутны атрымаў сапраўднае задавальненне, добры настрой і пазітыў, аб чым сведчаць шчырыя апладысменты і ўсмешкі, якімі адорвалі выступаючых прысутныя.

На мерапрыемстве ў першую чаргу ўшанавалі сям’ю  Брытвіч. Яе прадстаўнікі  з’яўляюцца старэйшымі жыхарамі вуліцы Лугавой. Ірына Міхайлаўна з мужам Сцяпанам Генадзьевічам, які, на жаль, нядаўна пайшоў з жыцця, выхавалі семярых дзяцей, а зараз бабуля дапамагае выхоўваць  унукаў.

Арганізатары адзначылі і лепшых працаўнікоў, якія за сваю стараннасць маюць узнагароды, граматы, падзячныя пісьмы за добрыя вынікі ў спаборнітвах у галіне сельскай гаспадаркі ад старшыні Нясвіжскага райвыканкама: Руслана Вікенцьевіча Макаўчыка, Наталлю Эдуардаўну Бусько, а таксама Івана Міхайлавіча Яцкевіча, які мае, акрамя раённых узнагарод, узнагароды абласнога і рэспубліканскага ўзроўню.

Шмат увагі было ўдзелена маладым сем’ям Лугавой вуліцы. 5 гадоў сумеснага жыцця адзначыла сям’я Андрэя і Алены Мішчанка, якія прыехалі да нас з далёкага Казахстана.  Атрымалі словы ўдзячнасці, віншаванні і, вядома, падарункі шматдзетныя сем’і Уладзіміра Уладзіміравіча Скачко, Людмілы Васільеўны Гойда, Наталлі Валер’еўны  Ясінскай, Соны Юсупаўны Яцкевіч. У іх — па трое дзяцей. А вось Таццяна Віктараўна Дранчук выхоўвае пяцярых дзяцей, яна ўзнагароджана ордэнам Маці.  Ёсць на вуліцы Лугавой і яшчэ адна сям’я, дзе таксама займаюцца выхаваннем пяцярых дзяцей. Гэта сям’я Ганны Уладзіміраўны Паўлюк.

Былі адмыслова адзначаны і юбіляры гэтага года. З 45-годдзем віншавалі Таццяну Дранчук, 40-годдзем — Сону Яцкевіч і Наталлю Ясінскую, 35-годдзем — Алену Лісок і Алену Харыну, 30 споўнілася Андрэю Мішчанку, 25 — Анастасіі Радзівонавай і Максіму Гойду. Свае ласункі атрымалі дзеці: з 10-гадовым юбілеем павіншавалі Рамана Сеўрука, Ганну Зізіка, Таццяну Долмат, Мікіту  Ліска, з 5-годдзем — Данілу Мішчанку, Варвару Радзівонаву.

Напрыканцы свята падарункамі адзначылі і лепшых гаспадароў вуліцы. Лепшымі падворкамі былі прызнаныя двары Наталлі Бусько, Алены Сабіч і Юліі Скачко.

Андрэй КОЗЕЛ.

 

 

Leave a Reply

Leave a Reply

Ваш адрес email не будет опубликован. Обязательные поля помечены *

Этот сайт использует Akismet для борьбы со спамом. Узнайте, как обрабатываются ваши данные комментариев.

error: Копирование защищено!!!