Нясвіжскія навіны Па стане на 31 ліпеня ў ААТ “Нясвіжскі райаграсэрвіс” убрана 1105 гектараў збожжавых і зернебабовых. Гэта складае 48 % ад неабходнага. За дзень, 30 ліпеня, камбайнеры зжалі 101 гектар (4,4 %). Кожны ў сярэднім дае па 34,2 цэнтнера.
Важкі ўклад у агульную справу ўносіць старшы камбайнер Пётр Куратнік, які шмат гадоў жне збажыну ў сваёй гаспадарцы. Ён летась заняў у ёй першае месца. І сёлета не здае пазіцый. На ўчарашнюю раніцу камбайнам “Лексіён-540” убраў 143 гектары, намалаціў амаль 500 тон збожжа. А шчыруе Пётр Міхайлавіч з маладым памочнікам Дзмітрыем Куратнікам (на фота 1).
Фота 1
На адным полі з імі ў дзень нашага прыезду збажыну на “Палессі” ўбіраў старшы камбайнер Віктар Гаціла (фота 2).
Каб удзельнікам жніва добра працавалася, ім у поле прывозяць смачныя абеды і падвячоркі са сталовай райаграсэрвіса. Раздатчыца Вікторыя Гаціла (фота 3) з усмешкай жадае ўсім прыемнага апетыту.
Фота 2
Фота 3
“НН”.
