Меню
Курс $  3.26 | €  3.52 | ₽100  3.53 |
Погода 9 °C

НАСУСТРАЧ II Еўрапейскім гульням. Арыгінальнасць, прастата і якасць

Нясвіжскія навіны 6 лет назад 0 0

У Мінску рыхтуюць прапановы па добраўпарадкаванні гарадскога асяроддзя да II Еўрапейскіх гульняў.

Мяркуецца ўнесці змены ў сферу вонкавай рэкламы, сфарміраваць план мерапрыемстваў па канцэпцыях рэкламнага афармлення асноўных магістраляў сталіцы, а таксама зрабіць абавязковай для суб’ектаў гаспадарання распрацоўку схем азелянення і кветкавага афармлення прылеглых тэрыторый.



Галоўнае — гэта арыгінальнасць, прастата і якасць. Неабходна сканцэнтраваць усе рэсурсы на добраўпарадкаванні галоўных гарадскіх магістраляў, МКАД, спартыўных аб’ектаў, тэрыторый уздоўж веламаршрутаў, паблізу месцаў пражывання гасцей, станцый метрапалітэна, фанзон, транспартнай інфраструктуры. Акрамя таго, у камітэце архітэктуры і горадабудаўніцтва лічаць важным звярнуць увагу на малыя архітэктурныя формы, напрыклад, вулічныя лаўкі і іншае, каб яны адпавядалі сталічнаму статусу.

Эскізы планаваных пераўтварэнняў павінны ўзгадняцца з архітэктарамі і кіраваннем гарадской гаспадаркі. Адно з патрабаванняў — выключыць самавольную фрагментарную афарбоўку фасадаў будынкаў. Таксама камітэт вывучыць магчымасць устаноўкі ў месцах масавага адпачынку пітных фантанчыкаў.

Старшыня Мінгарвыканкама Андрэй Шорац прапанаваў правесці ў горадзе серыю семінараў па тэматыцы добраўпарадкавання, каб пазначыць асноўныя падыходы да ландшафтнага дызайну, горадабудаўнічага развіцця.

Адзначым таксама, што да 1 снежня 2018 года плануецца выпусціць карту госця II Еўрапейскіх гульняў. У карце будзе прадстаўлена больш за 60 атракцый, больш за 20 пунктаў грамадскага харчавання, каля 30 месцаў размяшчэння. Усяго ж будзе ўключана каля 200 аб’ектаў. Фактычна гэта будзе карта госця Мінска, якая ўжо існуе, але дапоўненая цікавымі гасцям і ўдзельнікам спаборніцтваў месцамі.

Працягваецца распрацоўка карты госця міжрэгіянальнага фармату. У яе ўключаць музеі, гасцініцы, буйныя гандлёвыя ўстановы, галерэі і іншыя аб’екты ў абласцях і ў Мінску. Чакаецца, што такая карта з’явіцца да канца 2018 года.

Дар’я ЛАБАЖЭВІЧ.

 

Leave a Reply

Leave a Reply

Ваш адрес email не будет опубликован. Обязательные поля помечены *

Этот сайт использует Akismet для борьбы со спамом. Узнайте, как обрабатываются ваши данные комментариев.

error: Копирование защищено!!!