Адзіны ў свеце музей слыннага беларускага і польскага кампазітара Станіслава Манюшкі адкрылі 2 мая на яго малой радзіме — у Чэрвеньскім раёне, а дакладней — у пасёлку Смілавічы. У месцы, дзе захоўваюць памяць пра “славянскага Шуберта”, стваральніка першай беларускай і першай польскай оперы, сабраны экспанаты, звязаныя з жыццём і дзейнасцю Манюшкі і яго сям’і. Адкрыццё музея прымеркавана да 200-годдзя кампазітара.