Нясвіжскія навіны 
У пятніцу ў райвыканкаме ва ўрачыстай абстаноўцы віншаванні з нагоды 55-годдзя прымаў начальнік філіяла “Нясвіжскае УМГ ААТ “Газпром трансгаз Беларусь” Сяргей Лапін.
Ганаровую грамату райвыканкама Сяргею Міхайлавічу ўручыў старшыня Нясвіжскага раённага выканаўчага камітэта Аляксандр Ломскі. Ён павіншаваў юбіляра і адрасаваў яму словы ўдзячнасці за добрасумленную працу і актыўны ўдзел у сацыяльна-эканамічным развіцці раёна.
Дарэчы, у чэрвені С.М. Лапін адзначыць яшчэ адзін своеасаблівы працоўны юбілей — споўніцца 10 гадоў, як ён узначальвае Нясвіжскае УМГ. За гэты час упраўленне пад яго кіраўніцтвам адначасова з вырашэннем адказных вытворчых пытанняў прыняло ўдзел у самых значных сацыяльных акцыях, якія праходзілі на Нясвіжчыне, асабліва — у добраўпарадкаванні помнікаў ахвярам Вялікай Айчыннай вайны.
Соф’я ЛЮБАНЕЦ.
