У салоне-галерэі “Скарбніца” адкрылася выстава “Уражанне” нашага земляка, мастака і скульптара са Снова, Алега Пракарыны, які зараз працуе выкладчыкам у Нясвiжскiм каледжы імя Якуба Коласа на аддзяленнi дызайну.
Мастака цікавяць розныя тэхнікі і жанры — графіка, жывапіс, скульптура, аб’ект, інсталяцыя, перформанс. Жывапісная праца “Горад Сафія” знаходзіцца ў мастацкай галерэі г. Полацка, яго работы ёсць і ў асабістых калекцыях аматараў выяўленчага мастацтва з краін бліжняга і дальняга замежжа.
Выстава карцін Алега Пракарыны “Уражанне” будзе дзейнічаць у салоне-галерэі “Скарбніца” да 16 лістапада.