Нясвіжскія навіны “Марафон падтрымкі” — пад такой назвай рэалізуецца рэспубліканская акцыя ў падтрымку медыкаў. Яе мэта — аказанне дабрачыннай дапамогі ўрачам і ўсяму медыцынскаму персаналу ўстаноў аховы здароўя рознага тыпу, які працуе ў рэжыме кругласутачнага знаходжання на рабочым месцы; пацыентам бальніц сястрынскага догляду; медыцынскаму персаналу інтэрнатных устаноў і іншым установам аховы здароўя.
Напрыканцы мінулага тыдня па ініцыятыве старшыні Нясвіжскай раённай арганізацыі “Беларускі саюз жанчын” Людмілы Крупец група актывістак жаночага руху раёна наведала Нясвіжскую ЦРБ і перадала ў рамках марафона падтрымкі спонсарскую дапамогу ў выглядзе ахоўных сродкаў — медыцынскіх масак (500 штук) і ручнікоў (100) на агульную суму 850 рублёў. Людміла Уладзіміраўна выказала шчырыя словы ўдзячнасці галоўнаму ўрачу Нясвіжскай ЦРБ Вікторыі Пражэнік і ўсяму медперсаналу ўстановы, пажадала медыкам і іх блізкім моцнага здароўя і каб пацыентаў станавілася з кожным днём усё менш. Таксама Людміла Крупец падзякавала за падтрымку ініцыятывы намесніку старшыні Нясвіжскага райвыканкама Аляксандру Балцянкову, які далучыўся да жанчын.
Падчас дабрачыннай акцыі — галоўны ўрач Нясвіжскай ЦРБ Вікторыя Пражэнік з групай падтрымкі, намеснік старшыні Нясвіжскага райвыканкама Аляксандр Балцянкоў, старшыня Нясвіжскай раённай арганізацыі “Беларускі саюз жанчын” Людміла Крупец, загадчык ДУА “Нясвіжскі раённы вучэбна-метадычны кабінет” Таццяна Вайтовіч і начальнік упраўлення па працы, занятасці і сацыяльнай абароне райвыканкама Таццяна Толсцік
Вольга КАНДРУКЕВІЧ.
