Нясвіжскія навіны 
6 — 10 чэрвеня праходзіць Беларускі аграпрамысловы тыдзень. А ў яго рамках — традыцыйная, ужо 27-я Міжнародная спецыялізаваная выстава “Белагра-2017” і выстава “Белферма”. У аграпрамысловым тыдні ўдзельнічае больш за 500 кампаній з 25 краін свету. У выставачных мерапрыемствах прымае ўдзел больш за 20 арганізацыйных замежных дэлегацый.
Удзел у іх бярэ і Нясвіжскі раён. СВК “Агракамбінат Сноў” прадставіў на рэспубліканскі конкурс “Лепшая племянная карова малочнай пароды-2017” высокаўдойную карову першай лактацыі. А таксама цялушачак-трансплантантаў, якія атрыманы з эмбрыёнаў. Сваю прадукцыю завезлі на выставу і сноўскія перапрацоўшчыкі. З ААТ “Новае жыццё” ў выставе ўдзельнічае высокаўдойная карова другой лактацыі. А калектыў ААТ “Нясвіжскі райаграсэрвіс” дэманструе прадукцыю сваіх умельцаў — халадзільнік і малакавоз.
