У XXVI міжнародным фестывалі мастацтваў “Славянскі базар”, які на гэтым тыдні пачаўся ў Віцебску, прымуць удзел члены раённай арганізацыі грамадскага аб’яднання “Беларускае таварыства інвалідаў” і тыя, хто яе падтрымлівае сваёй працай і талентамі. Так, на адной з пляцовак горада з музычна-песеннымі нумарамі пад акампанемент Аляксандра Гапановіча выступяць несвіжане Барыс Вятлугін і Якаў Случак.
У рабоце “Горада майстроў” прымуць удзел майстрыхі Вольга Сцепановіч (вышыўка), Алена Хоміч (тканыя паясы) і Наталля Богуш (саломка і вышыўка бісерам).
