Нясвіжскія навіны 
24 ліпеня ў ЗАТ “1 Мая” пачалі ўборку азімага рапсу на насенне. Ён займаў у гаспадарцы 90 гектараў. За дзень абмалочана 29 га (32 %). Валавы збор склаў 87,4 тоны. Ураджайнасць выйшла нядрэнная — па 30,1 ц/га. На ўборцы заняты тры камбайны. Працуюць механізатары Сяргей Сінкевіч, Аляксандр Кіпроўскі і Міхаіл Скіцюк. У першы дзень яны вызвалілі адно рапсавае поле — каля качановіцкага возера. Перайшлі на другое.
У цэлым па раёне азімы рапс на насенне займаў сёлета 1494 гектары.
У ЗАТ “1 Мая” таксама арганізавалі ўборку насеннікаў шматгадовых траў. Згодна з аператыўнымі данымі райсельгасхарчу, з 82 гектараў абмалочана 33. Поўнасцю ўбралі адведзены на насенныя мэты 30 гектараў траў у ААТ “17 Верасня”. Тут на камбайнах працавалі Сяргей Каленік і Мікалай Сідарцоў.
У ААТ “Новае жыццё” камбайнеры Адам Банеўскі і Мікалай Каўшэль абмалацілі 7 гектараў аўсяніцы трысняговай. Засталося тры гектары канюшыны на насенне — яна паспее тыдні праз два.
У бягучым годзе насеннікі злакавых і бабовых шматгадовых траў займалі ў гаспадарках раёна 155 гектараў.
Тамара ПРАЛЬ-ГУЛЬ.
