У той дзень у пажарнай аварыйна-выратавальнай часці № 1 г. Нясвіж было шумна. У госці да ратавальнікаў у чарговы раз прыйшлі вучні ДУА «Ланскі НПК д/с-СШ». Для іх была праве-дзена запамінальная экскурсія ў рамках акцыі «Канікулы без дыму і агню», якая пачалася з прафілактычнай гутаркі. Наперабой дзяўчынкі і хлопчыкі адказвалі на пытанні, дэманструючы свае веды. Работнікі райаддзела па надзвычайных сітуацыях у чарговы раз нагадалі дзецям, што нельга гуляць з запалкамі, распавялі аб правілах абыходжання з агнём і дзеяннях у выпадку выяўлення пажару.
Найбольшую цікавасць выклікала дэманстрацыя аварыйна-выратавальнай тэхнікі. Хлопцы ўсе ўважліва слухалі, а ад жадаючых «адчуць усё на сабе» не было адбою. На заканчэнне сустрэчы ратавальнікі ўключылі праблісковыя маячкі і сапраўдную пажарную сірэну.
Для замацавання правілаў бяспекі малышам уручылі размалёўкі, а яны, у сваю чаргу, падзякавалі выратавальнікам за экскурсію.
На здымку: экскурсію праводзіць першы намеснік начальніка Нясвіжскага РАНС капітан унутранай службы У.М. Жэлянгоўскі.
«НН».