З 1 верасня тарыфная стаўка першага разраду для аплаты працы работнікаў бюджэтных арганізацый і прыроўненых да іх вырасце на 6,5 працэнта — з 31 да 33 рублёў. Пры гэтым памеры карэкці-руючых каэфіцыентаў, штомесячных дыферэнцыраваных даплат не зменяцца. Рэспубліканскім органам дзяржаўнага кіравання, мясцовым выканаўчым і распарадчым органам, кіраўнікам бюджэтных арганізацый даручана пералічыць заробкі работнікаў у адпаведнасці з новай тарыфнай стаўкай і каэфіцыентамі. Змены закрануць 859,2 тысячы чалавек — столькі беларусаў, па звестках Белстата, працуе ў бюджэтнай сферы.
Апошні раз стаўка тарыфнага разраду павышалася 1 студзеня гэтага года.