З 16 па 22 верасня ў Беларусі праходзіць Еўрапейскі тыдзень мабільнасці. Яго мэтай з’яўляецца стымуляванне мясцовых улад да ўвядзення і падтрымкі мер у галіне ўстойлівага транспарту, а таксама заахвочванне грамадзян у выкарыстанні розных альтэрнатыў аўтамабілю. Мы робім крок да больш чыстага паветра, нізкага ўзроўню шуму, больш спакойных вуліц, калі едзем на веласіпедзе, бяжым, ідзём пешшу ці едзем у аўтобусе, і, як паказвае прыклад іншых еўрапейскіх “зялёных” сталіц, калі вы імкняцеся да “зялёнай” мабільнасці, вы праяўляеце клопат пра свой горад.
