Нясвіжскія навіны За першую сямідзёнку новага года жывёлаводы раёна атрымалі 24912,3 ц малака. Тэмп росту да адпаведнага перыяду мінулага года склаў 102,6 %, у т.л. у ААТ “Лань-Нясвіж” — 129,7 %, ААТ “Сейлавічы” — 119,4 %, ЗАТ “1 Мая” — 108,3 %.
На адну фуражную карову ў сярэднім надоена па 144,79 кг малака — на 0,4 кг больш леташняга. Найбольшы надой — у СВК “Агракамбінат Сноў” (199,6 кг), ААТ “Гарадзея” (158,6 кг), ААТ “Грыцкевічы” (157,2 кг), ААТ “Новае жыццё” (156,7 кг), ААТ “Нясвіжскія Астроўкі” і “Сейлавічы” (па 151,2 кг). А вось плюс у параўнанні з 2017 г. самы вялікі ў ААТ “Лань-Нясвіж” (+20,3 кг), ААТ “Сейлавічы” (+19,6 кг), ААТ “Грыцкевічы” (+8,8 кг).
Таварнасць малака па раёне складае 91,4 %. Высокая яна ў “Новым жыцці” — 94,6 %, “Нясвіжскіх Астроўках” — 93,7 %, у ААТ “Лань-Нясвіж” — 93 %.
