Нясвіжскія навіны Аляксандр Лукашэнка: «Пачуцці смутку і спачування перапаўняюць сэрцы беларусаў».
Прэзідэнт Беларусі Аляксандр Лукашэнка накіраваў спачуванні Прэзідэнту Расіі Уладзіміру Пуціну і губернатару Кемераўскай вобласці Аману Тулееву ў сувязі з трагедыяй пры пажары ў гандлёвым цэнтры ў Кемераве, паведамілі ў прэс-службе беларускага лідара.
«3 глыбокім смуткам і болем у Рэспубліцы Беларусь успрынялі паведамленне аб пажары ў гандлёвым цэнтры ў Кемераве, што прывёў да чалавечых ахвяр, сярод якіх шмат дзяцей. Гэта велізарнае гора не толькі для родных і блізкіх, але і для ўсёй Расіі. Мы шчыра суперажываем сем’ям загінулых і жадаем хутчэйшага выздараўлення пацярпелым», — гаворыцца ў спачуванні, накіраваным на адрас Уладзіміра Пуціна.
Прэзідэнт Беларусі даў даручэнне МНС распрацаваць комплексны план і правесці праверку ўсіх гандлёвых цэнтраў у Беларусі. Пра гэта паведаміў міністр па надзвычайных сітуацыях Уладзімір Вашчанка.
— Мы ўжо паставілі задачы кіраўнікам нашых падраздзяленняў на месцах: ва ўсе вобласці будуць накіраваны супрацоўнікі міністэрства для арганізацыі гэтай работы.
Мы будзем правяраць шляхі эвакуацыі, работу сістэм бяспекі аўтаматыкі пажаратушэння, тэарэтычныя і практычныя ўменні персаналу. Мы рэкамендуем кіраўнікам гандлёвых аб’ектаў не чакаць прыходу ратавальнікаў, а ўжо неадкладна прыняць меры для стварэння бяспечных умоў.
Аб зробленай рабоце і канкрэтных прапановах будзе даложана Прэзідэнту. Усе аб’екты, дзе выявяцца парушэнні, будуць пазначаны.
«Звязда».
