Ідэологам час пераходзіць ад уздзеяння на аўдыторыю да ўзаемадзеяння з ёй.
Аб гэтым заявіў намеснік кіраўніка Адміністрацыі Прэзідэнта Уладзімір Жаўняк на семінары-практыкуме ідэалагічных работнікаў Мінскай вобласці.
«Нам трэба будзе абмеркаваць павышэнне якасці ідэалагічнай работы ў адносінах да лю- дзей. Немагчыма ўжываць нейкія шаблоны ў той ці іншай сітуацыі, — адзначыў ён. — Толькі індывідуальны падыход, абавязкова з улікам пазіцыі кожнага чалавека, калектыву, арганізацыі, рэгіёна».
Уладзімір Жаўняк таксама звярнуў увагу на тое, што людзям стала неабыякава, у якім раёне яны жывуць, на якім прадпрыемстве працуюць. Чалавек сёння хоча не атрымліваць нейкія ўстаноўкі, а ўплываць на тыя ці іншыя рашэнні, мець інфармацыю аб тым, як яны прымаюцца і рэалізуюцца.
Семінар-практыкум ідэалагічных работнікаў Мінскай вобласці па актуальных пытаннях працы ў сучасных умовах прайшоў на базе ААТ «Агракамбінат «Дзяржынскі» ў Фаніпалі. У яго рамках удзельнікі азнаёміліся з работай прадпрыемства і выстаўкамі, у тым ліку з прэзентацыяй дзейнасці грамадскіх арганізацый прадпрыемства.
БелТА.