Меню
Курс $  3.27 | €  3.53 | ₽100  3.52 |
Погода 10 °C

Фільм пра Нясвіж здымалі ў Егіпце, Італіі і Польшчы

Нясвіжскія навіны 5 лет назад 0 0

Прэзентацыя дакументальнага фільма “Вялікае падарожжа князя Мікалая Хрыстафора Радзівіла Сіроткі” кінастудыі “Беларусьфільм” (студыя “Летапіс”)  прайшла ў  12 красавіка ў Гетманскай зале Нясвіжскага замка.

Як расказаў рэжысёр карціны Юрый Цімафееў, таямніцы Нясвіжа, за якімі стаіць багацейшая гісторыя, цікавілі яго з самага дзяцінства, бо ён вырас у суседнім, Клецкім раёне, і часта бываў у нашым горадзе. Гэта цікавасць з цягам часу засяродзілася на асобе князя Мікалая Хрыстафора Радзівіла Сіроткі і ў рэшце рэшт паспрыяла стварэнню гэтага фільма.



— Першай тэмай, якая нас (стваральнікаў фільма — прым. аўт.) зацікавіла, — адзначыў Юрый Цімафееў у гутарцы з журналістам “НН”, — быў касцёл Божага Цела і асоба мастака Гескага, які ўпрыгожыў храм сваімі роспісамі. Паступова гэта ідэя пачала трансфарміравацца, нас зацікавілі пахавальныя традыцыі Радзівілаў, і на першы план выйшаў вобраз Мікалая Хрыстафора Радзівіла Сіроткі.

Збор матэрыялу для фільма пачаўся 4 гады таму, а непасрэдна здымкі праходзілі прыкладна паўтара гады, прычым не толькі ў Беларусі, а і ў Егіпце, Італіі і Польшчы, дзе зараз жыве 80% ад агульнай колькасці нашчадкаў роду Радзівілаў.

Стваральнікі фільма выйгралі тэндар Міністэрства культуры, і, мяркуючы па ўбачаным, ім удалося стварыць сапраўды маштабны твор. Ён не толькі праводзіць гледача па дарогах жыцця вядомай гістарычнай асобы, але і дзякуючы каментарыям вядомых навукоўцаў і кадрам, якія немагчыма ўбачыць у звычайным жыцці, раскрывае веліч радзівілаўскай спадчыны і на прыкладзе пахавальных традыцый, закладзеных заснавальнікам крыпты — князем Мікалаем Хрыстафорам Радзівілам Сіроткам паказвае неацэннае значэнне зробленага Сіроткам для гісторыі і навукі сваёй краіны.

Пасля прэзентацыі фільма адбылося яго абмеркаванне, і гледачы адзначылі, што пасля ўбачанага славутая фраза галоўнага героя  аб тым, што “перад тварам смерці кожны не рыцар, а толькі падарожнік”, набывае асаблівае гучанне і заклікае ўсіх нас задумацца аб сэнсе жыцця і тым, што ў ім галоўнае,  а што — не.

Прэзентацыя стала асабліва цікавай дзякуючы змястоўным каментарыям вядучага спецыяліства па экскурсійнай рабоце НГКМЗ «Нясвіж” Сяргея Чысцякова.

Соф’я ЛЮБАНЕЦ.

Leave a Reply

Leave a Reply

Ваш адрес email не будет опубликован. Обязательные поля помечены *

Этот сайт использует Akismet для борьбы со спамом. Узнайте, как обрабатываются ваши данные комментариев.

error: Копирование защищено!!!