Нясвіжскія навіны Ва ўстанове адукацыі “Яслі-сад № 4 г. Нясвіжа
“Караблік дзяцінства” ў рамках праекта
“Дзяцінства цудоўнае, калі бяспечнае”
адбылося мерапрыемства,
прымеркаванае да Міжнароднага дня
абароны дзяцей.
У ім прымалі ўдзел супрацоўнікі ДАІ,
Нясвіжскага РАНС, Дэпартамента аховы,
прадстаўнікі духавенства.
Перад педагогамі стаяла задача праз асноўны від дзіцячай дзейнасці — гульню — данесці выхаванцам, што самае дарагое — гэта іх жыццё, якое трэба захаваць і зберагчы.
Зранку разам з інспектарам ДАІ і выхавацелем выхаванцы-валанцёры раздалі ля магазіна “Еўраопт” прахожым і вадзіцелям памяткі па тэме флікераў і аўтакрэслаў. У садку таты-валанцёры з дзецьмі ўручылі ўсім бацькам наглядны матэрыял з пералікам месцаў, дзе нельга купацца, а таксама віншавальныя паштоўкі да Міжнароднага дня абароны дзяцей. На занятках у групах выхаванцам напомнілі аб правілах паводзін, калі, напрыклад, знайшлі незнаёмы прадмет, і іншых сітуацыях.
На ўрачыстым адкрыцці свята выступілі загадчык сада Вольга Пуляк і протаіерэй Яўген Лабынько, настаяцель Георгіеўскага прыхода г. Нясвіжа. старэйшыя дзеткі паказалі флэш-моб. І ўсе выхаванцы дашкольнай установы ў суправаджэнні прыемнай музыкі і цёплых сонечных праменьчыкаў з вялікім задавальненнем адправіліся ў захапляльнае падарожжа па тэматычных пляцоўках, дзе іх чакала шмат цікавых момантаў і сюрпрызаў. Знаёмства з работай кінолага, прафесіяй пажарных, гутарка аб карыснай і дрэннай для здароўя ежы, правядзенне доследаў з напоямі і цукеркамі, спартыўныя гульні — усё гэта прынесла маленькім выхаванцам шмат радасці, добрых эмоцый і незабыўных уражанняў.
Вольга КАНДРУКЕВІЧ.
