Нясвіжскія навіны 
На тэрыторыі гэтай краіны і пахаваны наш зямляк з Асмолава Пётр Георгіевіч Дзецкі. На могілках Савецкай Арміі горада Гданьска Паморскага ваяводства, вуліца генерала А. Гелгуда, участак № 1, Брацкая магіла, парадкавы нумар 759/117. Яго астанкі былі перанесены сюды ў канцы 40-х гадоў. Спачатку быў пахаваны на паўднёва-заходняй ускраіне горада Оліва Гданьскага ваяводства, дзе загінуў 25 сакавіка 1945 года. Паведамленне аб гэтым атрымала ў Асмолаве яго жонка Агаф’я Іосіфаўна.
…Пётр Дзецкі нарадзіўся ў 1902 годзе. На фронт Нясвіжскі ваенкамат прызваў яго восенню 1944-га. Ваяваў стралком 342-га стралковага палка 136-й стралковай Кіеўскай Чырванасцяжнай ордэнаў Суворава і Багдана Хмяльніцкага дывізіі 47 стралковага корпуса 70-й арміі 2 Беларускага фронту. Яго дывізія са студзеня 1945 г. наступала ў Польшчы па маршруце Модлін-Плоцк-Торунь падчас Усходне-Прускай стратэгічнай наступальнай аперацыі, якая доўжылася з 13 студзеня да 25 красавіка 1945 г. У лютым дывізія наступала ў кірунку Хойніцэ, затым павярнула на паўночны ўсход. 30 сакавіка войскі 2 Беларускага фронту авалодалі нямецкім горадам Данцыг (цяпер гэта польскі Гданьск).
Падрыхтавала Тамара ПРАЛЬ-ГУЛЬ.
