Меню
Курс $  3.27 | €  3.53 | ₽100  3.52 |
Погода 11 °C

Арханёл Міхал сапраўды прыляцеў

Нясвіжскія навіны 4 года назад 0 0

У нядзелю, 29 верасня, на Міхальскай гары, што непадалёк ад Нясвіжа, адбылася ўрачыстая імша, прысвечаная заступніку Каталіцкай царквы на Беларусі — святому арханёлу Міхалу. Месца для яе правядзення было выбрана невыпадкова — з 1593 па 1773 год тут размяшчаліся вельмі знакамітыя ў свой час касцёл святога Арханёла Міхала і кляштар айцоў-іезуітаў. Аб гэтым нагадвае камень з памятнай плітой, які нядаўна быў  устаноўлены на месцы знаходжання страчаных помнікаў і які многія вернікі ўбачылі ўпершыню.



Галоўным цэлебрантам урачыстай імшы быў ксёндз-канонік Уладзіслаў Завальнюк з Мінска. Ён жа суправаджаў копію фігуры арханёла Міхала, дастаўленую на верталёце па дарозе з Івянца на Магілёў. Падчас імшы яна знаходзілася побач з памятнай плітой. Гэта копія была зроблена там жа, дзе знаходзіцца арыгінал — у пячоры ў горным масіве Гаргана ў Італіі, паблізу горада Монтэ-Сант-Анджэла. Як сведчаць гістарычныя факты, святы арханёл Міхал там неаднойчы з’яўляўся людзям. Зараз над гэтай пячорай узведзена велічная базіліка, у якой знаходзіцца старэйшы ў каталіцкім свеце санктуарый святога.

Копія знакамітай фігуры прыбыла з Італіі ў Беларусь і вандруе па парафіях нашай краіны пад апекай ксяндза Ігара Лашука са Стоўбцаў.

Акрамя гаспадароў урачыстасці — пробашча парафіі Божага Цела ў Нясвіжы, ксяндза-каноніка Пятра Шарко і яго памочніка, ксяндза Яўгена Баланёва, ва ўрачыстай імшы прынялі ўдзел і святары з суседніх парафій — ксёндз Павел Слука з Клецка, які прамовіў казанне да вернікаў, і ксёндз Аляксандр Вітко з Гарадзеі.

Соф’я ЛЮБАНЕЦ.

Фота Дзмітрыя ЯШЧАНКІ.  

Leave a Reply

Leave a Reply

Ваш адрес email не будет опубликован. Обязательные поля помечены *

Этот сайт использует Akismet для борьбы со спамом. Узнайте, как обрабатываются ваши данные комментариев.

error: Копирование защищено!!!