Нясвіжскія навіны Прэзідэнт Беларусі Аляксандр Лукашэнка актуалізаваў задачы па пошуку новых пастаўшчыкоў нафты і па выбудоўванні лагістыкі дастаўкі сыравіны. Адпаведныя заявы кіраўнік дзяржавы зрабіў на нарадзе па пытаннях забеспячэння эфектыўнай работы нафтаперапрацоўчага комплексу краіны ў 2020 годзе і на перспектыву.
Аляксандр Лукашэнка адзначыў, што на працягу апошняга стагоддзя вуглевадароды былі і застаюцца адным з ключавых фактараў у сусветных эканамічных і палітычных адносінах.
“Асобныя дзяржавы зразумелі, што пры дапамозе вентыля на нафтавай трубе выгадныя ім пытанні вырашаюцца значна лягчэй. Не думайце, што я намякаю тут толькі на Расію. Гэта стала нормай для дзяржаў планеты, якія маюць ад Госпада такое шчасце. На жаль, нягледзячы ні на якія ўзаемныя абавязацельствы, такая практыка стала прымяняцца і ў адносінах да Беларусі, — сказаў Прэзідэнт. — Умовы пастаўкі нафты ва ўльтыматыўнай форме ўвязваюцца з іншымі праблемамі, якія жадае вырашыць краіна-пастаўшчык.
З другога боку, лічыць Прэзі-дэнт, існуючая сітуацыя аказалася нават у нечым карыснай: “Мы неапраўдана зацыкліліся на некалькіх пастаўшчыках і не маем доўгатэрміновых альтэрнатыўных крыніц сыравіны”. “Нафта — не манапольны тавар, і жадаючых працаваць з намі дастаткова нават у самой Расіі. Пастаўшчыкоў трэба знаходзіць, з імі трэба дамаўляцца. І гэта задача нумар адзін”, — заявіў кіраўнік дзяржавы.
БелТА.
