У салоне-галерэі “Скарбніца” праходзіць выстава карцін “Заўтра будзе лета!” Людмілы Аніскавец. Мастачка піша свае работы ў розных тэхніках, выкарыстоўвае мастыхін, што дае магчымасць зрабіць жывапіс аб’ёмным і эмацыянальным.
Маляўнічыя гарадскія пейзажы, копіі мастакоў пачатку ХХ стагоддзя Э. Картэса і А. Бланшара — усё гэта і не толькі можна знайсці на выставе, якая працуе да канца лютага.
