Аб развіцці навукі ў краіне

Прэзідэнт Беларусі Аляксандр Лукашэнка паабяцаў аказваць усямерную падтрымку развіццю навукі ў краіне. Аб гэтым кіраўнік дзяржавы заявіў у час размовы з прадстаўнікамі навуковай сферы.

Пасля цырымоніі ўручэння дыпломаў і атэстатаў Аляксандр Лукашэнка пагутарыў з прадстаўнікамі навуковай сферы, якія расказалі як пра свае распрацоўкі, так і ўнеслі прапановы па асобных напрамках.

Прэзідэнт падзякаваў вучоным за карысную, цікавую размову. “Паверце, для мяне гэта не проста вопыт, гэта веды. Я вучуся ў вас, — сказаў Аляксандр Лукашэнка. — Я вельмі цаню мінуты, гадзіны размовы з вамі, вельмі ўдзячны вам за гэта. Ведайце: наколькі толькі магчыма, мы будзем падтрымлі-ваць вучоных. Не таму, што я такі дабрадзей, а таму што без навукі ў сучасным свеце мы нікуды не рушым”.

Ученая степень доктора медицинских наук присуждена профессору кафедры инфекционных болезней
Белорусского государственного медицинского
университета Дмитрию Данилову

Аляксандр Лукашэнка нагадаў, што на працягу апошніх гадоў у Беларусі многае зроблена па развіцці розных напрамкаў, і немалая роля ў гэтым належыць вучоным, у медыцыне гэта або ў сельскай гаспадарцы. У многіх пытаннях кіраўнік дзяржавы ўдзельнічаў асабіста — прымаліся рашэнні, даваліся неабходныя даручэнні. “Мы гэта ўсё прайшлі. Гэта няпросты быў шлях і перыяд”, — канстатаваў ён.

Звяртаючыся да вучоных як да прадстаўнікоў айчыннай эліты, Прэзідэнт параіў узважана ацэньваць падзеі, якія адбываюцца, і не рабіць паспешных вывадаў. “Ёсць такія азначэнні, тэрміны ў народзе — “міністр”, “генерал”, “прафесар”. Людзі, якія носяць партфель міністра, з’яўляюцца прафесарам, генералам, яны не маюць права на неабдуманыя ўчынкі, — падкрэсліў Аляксандр Лукашэнка. — Вы людзі адукаваныя, вы фарміруеце думкі людзей, вы — твар дзяржавы, вы і павінны абараняць гэту дзяржаву”.

Шмат увагі ў час размовы вучоных з Прэзідэнтам было ўдзелена пытанням удасканалення адукацыйнага працэсу, практыка-арыентаванай і мэтавай падрыхтоўкі маладых кадраў. Падрабязна абмяркоўваліся распрацоўкі ў галіне медыцыны. На фоне пандэміі гэта тэма не губляе актуальнасці, і важна не забываць, што акрамя каранавіруса ёсць і іншыя захворванні, якія маюць патрэбу ў аператыўным лячэнні. Акрамя таго, была прадстаўлена інфармацыя аб сучасных распрацоўках у галіне сельскай гаспадаркі і аховы раслін, што непасрэдна ўплывае на пытанні харчовай бяспекі, павышэнне эфектыўнасці ў АПК.

БелТА.