Вторник, 28 Июнь 2022

215 просмотров
Общество

Да Міжнароднага дня аховы дзяцей

У першы дзень лета ў раённым маладзёжным цэнтры прайшоў фестываль “Свет адзіны для ўсіх”, прысвечаны Міжнароднаму дню аховы дзяцей. Работнікі маладзёжнага цэнтра падрыхтавалі для выхаванцаў цэнтра карэкцыйна-развіваючага навучання і рэабілітацыі Нясвіжскага раёна і наведвальнікаў аддзялення забеспячэння дзённага знаходжання інвалідаў РТЦСАН цікавую забаўляльна-музычную праграму.

Перад гледачамі выступілі маленькія зорачкі дзіцячага тэатральнага калектыву “Мімі ДОМ”, вакальнай студыі “Вяночкі” МЦ і выхаванцы тэатральнай студыі “Раптам” Нясвіжскай дзіцячай школы мастацтваў. Сонечным настроем дзяліліся з прысутнымі валанцёры БРСМ “Добрае сэрца”, а работнікі Нясвіжскага РАНС у цікавай інтэрактыўнай форме нагадалі маленькім правілы бяспекі.

У стварэнне цёплай, сяброўскай атмасферы зрабіў своё ўнёсак ЦБП №526 рэгіянальнай дырэкцыі па Мінскай вобласці ААТ “Белаграпрамбанк” — яго работнікі набылі для ўдзельнікаў фестывалю шмат смачных пачастункаў і напрыканцы свята падарылі ім памятныя сувеніры.

Песні, вершы, конкурсы, падарункі — для кожнага маленькага госця знайшлося нешта асабліва захапляльнае і цікавае.

Добавить комментарий

Ваш e-mail не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.

error: Content is protected !!