І прафілактычная работа з аматарамі зімовай рыбалкі

Служба выратавання штодзённа знаходзіцца на варце бяспекі грамадзян. Акрамя аказання дапамогі ў выпадку ўзнікнення надзвычайных сітуацый, прадстаўнікі МНС праводзяць маштабную прафілактычную работу, каб іх папярэдзіць.




У выхадныя дні мінулага тыдня ратавальнікі Нясвіжскага раёна арганізавалі рэйды па праверцы бяспечных умоў пражывання сваіх землякоў. Месцам “дыслакацыі” прадстаўнікоў аддзела па надзвычайных сітуацыях сталі населеныя пункты Сноўскага і Казлоўскага сельскіх Саветаў.

На кантролі — выкананне грамадзянамі правіл карыстання пячным абсталяваннем, а менавіта належны стан пячэй і іх правільная эксплуатацыя, стан электраправодкі, наяўнасць аўтаномных пажарных апавяшчальнікаў і іншае. У рамках візітаў прадстаўнікі МНС нагадалі жыхарам пра небяспеку курэння ў памяшканях, асабліва ў стане алкагольнага ап’янення, прыводзілі прыклады ўзнікнення пажараў менавіта па гэтай прычыне, тлумачылі правілы карыстання электрапрыборамі, заклікалі ўтрымліваць у парадку гарышчы дамоў.

Другім вектарам прафілактыкі нясвіжскіх ратавальнікаў стаў маніторынг вадаёмаў. Прадстаўнікі раённага аддзела па надзвычайных сітуацыях сумесна з прадстаўнікамі таварыства выратавання на водах заклікалі аматараў зімовай рыбалкі памятаць аб тым, што лёд нават пры значных маразах прадстаўляе сабой небяспеку, калі ж ён тонкі, з жаўтаватым ці шэрым адценнем — тым больш. Спецыялісты падрабязна тлумачылі грамадзянам правілы паводзін у выпадку правальвання пад лёд, аказання дапамогі ў такіх сітуацыях, уручалі памяткі і лістоўкі па прафілактычнай тэматыцы.

 

Алена ЖУРКО.

Добавить комментарий

Ваш адрес email не будет опубликован. Обязательные поля помечены *

Этот сайт использует Akismet для борьбы со спамом. Узнайте, как обрабатываются ваши данные комментариев.

error: Копирование защищено!!!