Навучэнцы сярэдняй школы № 2 г.п.Гарадзея Нясвіжскага раёна прынялі ўдзел у I рэгіянальным фестывалі педагагічных класаў «Я — будучы педагог: прэстыж і імідж педагагічнай прафесіі»
— Фестываль — гэта ўнікальная магчымасць яшчэ бліжэй пазнаёміцца з педагогікай, — упэўнена намеснік начальніка ўпраўлення па адукацыі, спорце і турызме Нясвіжскага райвыканкама Алена Сцяпанава. — Навучэнцы змаглі паглядзець, як рыхтуюць будучых педагогаў, і ўпэўніцца ў тым, што правільна вызначыліся з будучай прафесіяй.
I рэгіянальны фестываль педагагічных класаў «Я — будучы педагог: прэстыж і імідж педагагічнай прафесіі» прайшоў на факультэце педагогікі і псіхалогіі Баранавіцкага дзяржаўнага ўніверсітэта.
