Нясвіжскія навіны Анастасія Сікірыцкая, работнік ДУ “Нацыянальны гісторыка-культурны музей-запаведнік “Нясвіж”:
— Я лічу, што гэта свята вельмі патрэбна для нашага народа, таму што гэта выдатная нагода адчуць сябе адзіным цэлым, адзіным народам. Мы павінны шанаваць сваю гісторыю, традыцыі і нацыянальны падмурак, які з пакалення ў пакаленне захоўваў беларускі народ. Чым больш мы будзем ведаць аб нашым мінулым, тым менш будзе непаразумення і рознагалоссяў. Мы ведаем, што Радзіма ў нас адна, лёс краіны — агульны, і мара кожнага з нас — жыць у мірнай і квітнеючай Беларусі. Усё ў нашых руках, усё нам пад сілу. Таму нам застаецца толькі разам працаваць са стараннасцю і любоўю на карысць нашай любімай краіны!
