Нясвіжскія навіны Сёння ў раённым цэнтры культуры прайшло святочнае мерапрыемства, прысвечанае Дню работнікаў сельскай гаспадаркі і перапрацоўчай прамысловасці аграпрамысловага комплексу
Святочны настрой для віноўнікаў урачыстасці ствараўся ўжо на ўваходзе ў РЦК — для іх была аформлена тэматычная фотазона, арганізавана выстава-прэзентацыя хлебных караваяў, стылізаваных манекенаў, кошыкаў сельскагаспадарчых прадпрыемстваў раёна, выстава-дэгустацыя прамысловых і сельскагаспадарчых прадпрыемстваў .
На свята сабраліся лепшыя аграрыі Нясвіжскай зямлі, якой кожны з іх аддае ёй сваю душу і сэрца.
Пасля прывітальнага слова кіраўніка раёна — старшыні Нясвіжскага раённага выканаўчага камітэта Аляксандра Ломскага — героям дня быў уручаны шэраг узнагарод ад рэспубліканскага да раённага ўзроўню, іх увазе быў прадстаўлены выдатны канцэрт.
Падрабязней аб ходзе свята — у бліжэйшым нумары «НН».
