Нясвіжскія навіны Заўтра, у чацвер 1 лютага, у цэнтральнай раённай бібліятэцы імя Паўлюка Пранузы ў 16.00 адбудзецца прэзентацыя новай кнігі нашага земляка, пісьменніка Уладзіміра Бруя, “Усмешка хрысціяніна”.
У.Дз. Бруй скончыў Мінскі дзяржаўны лінгвістычны ўніверсітэт, працаваў настаўнікам англійскай, французскай і беларускай моў, перакладчыкам. Яго пяру належаць кнігі “Трэцяя Бярэзіна”, “Нябесны банк”, раман “Сэрца новае”, выдадзены пад псеўданімам Ігнась Адамскі на рускай мове і напісаны на аснове рэальных падзей, а таксама іншыя творы.
“Усмешка хрысціяніна” — зборнік гумарыстычных гісторый, які на прэзентацыі прадставіць сам аўтар.
Запрашаюцца ўсе жадаючыя.
