Сёння раніцай дзесяць камбайнавых экіпажаў накіраваліся на жніво ў Крупскі раён.
Да камбайнераў звярнуўся старшыня Нясвіжскага райвыканкама Андрэй Ратомскі:
— Вы ўсе паказалі добрыя вынікі ў сёлетнім жніве на Нясвіжчыне, і зараз вы накіроўваецеся дапамагаць другому раёну. Гэта стала ўжо добрай традыцыяй. Я хачу падзякаваць вам за вашу працу, за вашу стараннасць і ваш плён. І я ўпэўнены, што і на Крупскай зямлі вы пакажаце выдатныя вынікі і добры прыклад. Беражыце сябе і сваё здароўе, захоўвайце тэхніку бяспекі і па-гаспадарску стаўцеся да сваіх машын. У добры шлях!
Шчырыя словы падзякі выказала аграрыям і намеснік старшыні — начальнік упраўлення па сельскай гаспадарцы і харчаванні Нясвіжскага райвыканкама Таццяна Жук.
Усе камандзіраваныя экіпажы атрымалі невялікія падарункі ад Нясвіжскай раённай арганізацыі Беларускага прафсаюза АПК.
