Увечары ў сераду Нясвіжскі РЦК запрасіў пажылых жыхароў горада на танцавальна-забаўляльную праграму “Восеньскія імгненні”.
Пад гукі духавога аркестра Нясвіжскага цэнтра культуры пад кіраўніцтвам Кірыла Марыніча госці з задавальненнем кружыліся ў танцы, атрымліваючы асалоду ад кожнага руху. Сваімі музычнымі падарункамі гледачоў парадавалі і таленавітыя калектывы і выканаўцы: ансамбль песні “Натхненне”, народны ансамбль песні “Забава”, Таццяна Герасімовіч, а таксама дуэт Жанны Чучман і Ігара Дубешкі.
