Сёння ў мастацкай галерэі “Мара” адбылося адкрыццё выставы жывапісу “Асенні Нясвіжскі эцюд”.
У экспазіцыю ўвайшлі творы, напісаныя мастакамі Віктарам Данілавым, Ліліянай Каўхутай, Сяргеем Цігаравым, Анжалікай Вакуліч і Марынай Канавалавай, а таксама старшынёй Еўразійскага мастацкага таварыства Аленай Баравой і ідэйным натхняльнікам пленэра Юліяй Кобай.
Кожны мастак уклаў у свае творы свае асабістыя ўражанні ад розных мясцінаў Нясвіжа.
З адкрыццём выставы аўтараў павіншавалі калегі па творчым цэху — паэты і пісьменнікі з Нясвіжскага літаратурна-музычнага аб’яднання “Валошкі” і Баранавіцкага літаратурна-творчага аб’яднання“Купальскія зоры”.
Падрабязнасці — у наступных публікацыях.
