У аўторак, 24 студзеня, у 15 гадзін, у камернай зале Нясвіжскай дзіцячай школы мастацтваў з канцэртам “Шэдэўры фартэпіяннай музыкі” выступіць лаўрэат міжнародных конкурсаў, саліст Белдзярж-філармоніі Аляксандр Музыкантаў. Яго выкананне пакарыла слухачоў у самых розных кутках планеты, і пры гэтым інтарэсы піяніста не абмяжоўваюцца класічнай музыкай. Музыкантаву блізкія і джаз, і рок, але незалежна ад стылю музыкі артыста вызначае філіграннае выкананне і асабістая інтэрпрэтацыя твораў, якія ён выконвае.
Не прапусціце сустрэчу з вялікім і вечным мастацтвам!