Нясвіжскія навіны Як мы паведамлялі, у нашай краіне быў устаноўлены медаль “100 год Узброеным Сілам Рэспублікі Беларусь”. Іх уручаюць заслужаным лю-дзям — ветэранам Вялікай Айчыннай вайны, працаўнікам тылу, вязням, людзям, якія шмат зрабілі і робяць для ўмацавання Узброеных Сіл дзяржавы.
Фота 1
Жыхарам Нясвіжчыны медалі ўручыў ваенны ка-місар Нясвіжскага і Капыльскага раёнаў падпалкоўнік Андрэй Марозаў. Сярод тых, хто атрымаў узнагароду, і нашы паважаныя жанчыны. Гэта несвіжанка, блакадніца Ленінграда Галіна Андрэеўна Трыбунская (фота 1), працаўніцы тылу Валянціна Ігнатаўна Ашмарына з Грускова (фота 2) і Надзея Пятроўна Шынгель з вёскі Вялікая Быхаўшчына (фота 3). Цяжкія выпрабаванні выпалі на долю гэтых жанчын, чыё дзяцінства і юнацтва прыпалі на ваеннае ліхалецце. Але яны выстаялі, выжылі, не зламаліся і засталіся на ўсё жыццё для іншых прыкладам дабрыні, жаноцкасці, мудрасці і вялікай духоўнай прыгажосці.
Фота 2
Фота 3
Нізкі паклон вам, паважаныя ветэраны!
Тамара ПРАЛЬ-ГУЛЬ.
Фота Святланы ПОЛЬСКАЙ.
