Актыўна вядзецца падрыхтоўка глебы да сяўбы азімых збожжавых у ААТ “Гарадзея”. Як расказаў карэспандэнту “НН” галоўны аграном гаспадаркі Аляксандр Антончык, механізатар Віктар Абрагімовіч уносіць фосфарныя і калійныя ўгнаенні. Міхаіл Мураўёў на трактары МТЗ-3522 з 8-корпусным плугам вядзе ворыва, за дзень заносіць на свой рахунак да 25 гектараў. На трактарах МТЗ-1523 з 4-корпуснымі плугамі аруць глебу Сяргей Кавальчук і Віктар Жэрка. Па стане на 28 жніўня ў “Гарадзеі” зааралі 835 гектараў глебы пад сяўбу азімых збожжавых, што складае 68 % ад плана.
“НН”.