З 1 верасня можна паляваць на бабра і выдру

З 1 верасня бягучага года да 31 сакавіка наступнага дазволена паляванне на бабра і выдру. Паводле дзейных правілаў, паляваць на бабра і выдру (у тым ліку ўстанаўліваць і правяраць самаловы) пакуль можна толькі ў светлы час сутак. 3 25 верасня, пасля ўступлення ў сілу новай рэдакцыі Правілаў вядзення паляўнічай гаспадаркі і палявання, паляванне на гэтых жывёл будзе дазволена кругласутачна, але з агаворкай: у цёмны час сутак паляваць ружэйным спосабам (з падыходу, з засады) можна толькі ў прысутнасці службовай асобы карыстальніка паляўнічых угоддзяў.