Нясвіжскія навіны Паважаныя свяшчэннаслужыцелі і вернікі рымска-каталіцкай царквы!
Сардэчна віншуем вас са светлым святам Раства Хрыстова!
Яно вяртае нас да вытокаў векавых духоўных традыцый, дорыць людзям нязгаснае святло веры і надзеі, напаўняе нашы сэрцы любоўю і дабрынёй.
Хай Віфлеемская зорка заўсёды асвятляе шлях, які вядзе да годнага і шчаслівага жыцця.
Жадаем вам моцнага здароўя, сямейнага шчасця і душэўнай гармоніі! Хай калядны настрой не пакідае вас на працягу ўсяго года, натхняючы на добрыя справы.
Нясвіжскі раённы выканаўчы камітэт.
Нясвіжскі раённы Савет дэпутатаў.
Шаноўныя несвіжане і жыхары раёна!
Дарагія каталікі і іншыя хрысціяне, якія святкуюць Божае Нараджэнне!
«Хвала на вышынях Богу, а на зямлі супакой людзям добрай волі».
(Лк 2.14).
Гэта першыя словы, якімі анёлы абвясцілі людзям радасць Нараджэння Божага Дзіцяці.
Мы жывём у няпросты час, дзе свет хвалююць нянавісць, супрацьстаянне, варожасць. У тым ліку і нашыя сэрцы бываюць напоўненыя неспакоем.
Калі паглядзець на сутнасць чалавечага існавання, то мы ўбачым, што чалавек перажывае неспакой і нават страх, знаходзячыся ў цемры. І толькі святло, пранізваючы змрок, рассейвае трывогу і знішчае страх.
Хрыстова Нараджэнне асацыіруецца са святлом Бэтлеемскай Зоркі, якая паказала шлях чалавецтву да Бога. І ўвогуле Хрыстус з’яўляецца Святлом, які разганяе цемру ў нашым жыцці.
Жадаю ўсім, каб Святло Хрыстовага Нараджэння заззяла ў нашых сэрцах, ажывіўшы іх надзеяй. Толькі Бог і вера ў Яго можа напоўніць наша жыццё спакоем. Няхай жа Ён бу- дзе ў нашым жыцці і нашым Жыццём!
Радасці вам і вашым сем’ям у Новым 2023 годзе!
Усіх вернікаў, не толькі каталікоў, але і братоў праваслаўных і іншых вызнаўцаў Хрыста, якія чакаюць Яго Нараджэння, віншую са святамі Божага Нараджэння. Жадаю радасці ў вашым жыцці, у вашых сем’ях… Адкрыйце сэрцы Хрысту, і яны напоўняцца радасцю!
Усім вясёлых Святаў!
Ксёндз канонік Пётр ШАРКО,
пробашч Рымска-Каталіцкай парафіі Божага Цела ў Нясвіжы
і дэкан Нясвіжскага дэканата.
