“Мелодыя маёй душы” — так называлася творчая сустрэча з Таццянай Цвірко, паэтам, празаікам, членам Саюза пісьменнікаў Беларусі, якая адбылася ў рамках VIII фестывалю паэзіі “Голасам свайго пакалення”, на які былі запрошаны вучні 7 “В” класа сярэдняй школы №4 г. Нясвіжа.
Паэзія Таццяны Канстанцінаўны вельмі шчырая, душэўная, меладычная. Здаецца, разам з аўтарам ты ўглядаешся ў родныя краявіды, у кожную кветку і расінку, у жыццё. Галоўныя героі яе вершаў — нашы сучаснікі. Усе яны шукаюць сваё шчасце, а знайсці яго заўсёды няпроста ў гэтым складаным і такім непрадказальным жыцці. Творы паэткі запрашаюць задумацца аб жыцці, аб месцы чалавека ў ім. Таццяна Канстанцінаўна рассказала вучням аб сабе і сваёй творчасці, сваёй сям’і і малой радзіме. Удзельнікі мерапрыемства чыталі вершы, слухалі і спявалі песні, размаўлялі. Сустрэча з аўтарам вызвала шмат станоўчых эмоцый і цікавасці да кніг і паэзіі ў прыватнасці.